Ստամբուլի Սարըյեր թաղամասում անօրինական կառուցված կացարանի բնակիչների եւ ոստիկանության միջեւ բախումներ են տեղի ունեցել, երբ շինարարները սկսել են քանդել շենքը: News.am- ի փոխանցմամբ, շենքում ապրող կանայք հրաժարվել են դուրս գալ քանդվող շենքից եւ հարձակվել են իրենց սեփական տներից դուրս հանել ցանկացող ոստիկանների վրա: Այդ ընթացքում կանանցից մեկը հասցրել է վերցնել ոստիկանական մահակը եւ հարվածել ոստիկաններին: Կատաղած ոստիկաններն ավելի կոպիտ միջոցների են դիմել, ինչին կանայք պատասխանել են ոստիկանների վրա եռացրած ջուր լցնելով:
