2011 թ. լրանում է Հայաստանի Հանրապետության անկախության 20-ամյակը: Ինչպես տեղեկացրին մշակույթի նախարարությունից, հոբելյանական պետական հանձնաժողովը հայտարարել է անկախության 20-ամյակի խորհրդանիշի մրցույթ: Հայտերն ընդունվում են էսքիզի տեսքով, որը պետք է լինի գունավոր ու սեւ-սպիտակ տարբերակներով եւ ներկայացվի էլեկտրոնային կրիչի վրա, ինչպես նաեւ 50×60 սմ չափսի ստվարաթղթի վրա: Խրախուսվում է խորհրդանիշի ներկայացումը տարբեր նյութերի վրա (ծրար, ձեւաթուղթ, գովազդ եւ այլն): Լավագույն աշխատանքների համար սահմանված է մեկ գլխավոր (1 միլիոն դրամ) եւ մեկ խրախուսական (500 հազար դրամ) մրցանակ:
Հայտերն ընդունվում են մինչեւ 2011 թ. հունվարի 20-ը, ՀՀ մշակույթի նախարարության ժամանակակից արվեստի եւ ժողովրդական արհեստների վարչությունում:
