Ռուսական էստրադային երգիչ Ֆիլիպ Կիրկորովը հեռուստառեժիսոր Մարինա Յաբլոկովային ծեծի ենթարկելու համար պատրաստ է պատիժ կրել: Ավելի վաղ հայտնի էր դարձել, որ Կիրկորովն ու Յաբլոկովան պայմանավորվել են խաղաղության համաձայնագիր կնքել, որը կստորագրվի մոտ ժամանակներս: Մինչ այդ էլ խոսվում էր այն մասին, որ հայտնվել է մի սիրողական տեսանյութ, որում մանրամասն երեւում է այդ չարաբաստիկ օրը կատարվածը: Այդ տեսանյութում ապացուցվում է, որ Կիրկորովը չի ծեծել Յաբլոկովային, այլ հրել է եւ ուզել է խփել, բայց աղջիկը փախել է եւ մտել կուլիսների հետեւը: Ասում են, որ հենց այդ տեսանյութի հայտնվելու պատճառով է Յաբլոկովան համաձայնվել հաշտություն կնքել:
