Երեկ ժամը 05.30-ին ահազանգ է ստացվել, որ հրդեհ է բռնկվել Երեւանի Նոր Նորքի 3-րդ զանգվածի Քոչարյան փողոցի թիվ 14 հասցեում գտնվող «Քալանթար» խանութում: Դեպքի վայր էր ժամանել մայրաքաղաքի հատուկ փրկարարական ջոկատի 3 մարտական հաշվարկ: Ժամը 06.24-ին հայտարարվեց հրդեհի «ԲԻՍ-1» բարդության աստիճան, որից հետո օգնության է մեկնել եւս 1 մարտական հաշվարկ: Դեպքի մասին տեղյակ են պահվել Երեւան քաղաքի հատուկ տեսչության 1-ին կարգի մասնագետ Խ. Բաբայանը եւ էլցանցի դիսպետչեր Դարբինյանը: Հրդեհը մեկուսացվեց ժամը 06.52-ին, մարվեց՝ 07.15-ին: Մինչեւ ժ.10.30-ը անջատվել էր մոտակա բարձրահարկ շենքերի՝ 26, 27 եւ 28, հարակից հինգհարկանիների էլեկտրականությունը:
Խանութի 100 քմ տարածքում այրվել է գույք եւ սննդամթերք: Բնակիչների կարծիքով, նախատոնական այս օրերին բռնկված հրդեհը կարող էր լինել դիտավորության եւ անլուրջ մրցակցության արդյունքում:
