Ռամիլ Սաֆարովի էքստրադիցիայի հարցի առնչությամբ ադրբեջանական մամուլի աշխուժացումը նախատեսված է հայկական կողմի նյարդային արձագանքի համար, «Արմինֆո»-ին ասել է է Հայոց ցեղասպանության թանգարան-ինստիտուտի տնօրեն Հայկ Դեմոյանը: Նա ընդգծել է, որ դատավճռի հրապարակման պահից պարզ էր, որ, չնայած Սաֆարովին հետ ստանալու ճիգերին, ադրբեջանական կողմի համար չափազանց դժվար կլինի այդ անել՝ եթե ընդհանրապես հաջողվի: Նրա ասելով, դա պայմանավորված է նաեւ այն հանգամանքով, որ հունգարական կողմը գիտակցում է Սաֆարովի էքստրադիցիայի հետեւանքները, իսկ հետեւանքներն այնպիսին են, որ, հաշվի առնելով դրանք, հունգարական կողմը չի կարող ձեռնարկել համապատասխան քայլեր՝ առանց հայկական կողմին իրենց գործողությունների մասին տեղյակ պահելու:
