ՀՀ ոստիկանության տեղեկատվության վարչությունից երեկ տեղեկացրին, որ դեկտեմբերի 8-ին, ժամը 17.20-ից 18.25-ն ընկած ժամանակահատվածում, «Սուրբ Աստվածամայր» բժշկական կենտրոնից ոստիկանության Կենտրոնականի բաժնում ահազանգեր են ստացվել, որ սուր քլորային թունավորումով իրենց մոտ բուժօգնության են տեղափոխվել 5-ամյա Արշակ Ղ.-ն, 6-ամյա Էդուարդ Ս.-ն, 6-ամյա Աշոտ Ս.-ն, 4-ամյա Վահրամ Ն.-ն եւ 5-ամյա Ալեքսանդր Կ.-ն, իսկ «Մուրացան» բժշկական կենտրոն են տեղափոխվել 7-ամյա Ջոնիկ Ե.-ն, 14-ամյա Մանուկ Մ.-ն, 12-ամյա Աղասի Մ.-ն եւ 13-ամյա Արման Խ.-ն:
Մեկնած օպերատիվ խումբը պարզել է, որ բոլոր 9 երեխաներն էլ թունավորվել են Խորենացու փողոցում գործող մարզադպրոցի լողավազանում, մարզումների ժամանակ` քլորի արտահոսքի հետեւանքով:
Նշանակվել են դատաբժշկական եւ դատաքիմիական փորձաքննություններ:
Հանգամանքները պարզվում են:
Կատարվում է հետաքննություն:
