Դեկտեմբերի 8-ին Վանաձորում՝ Մհեր Մկրտչյանի հուշարձանի հարեւանությամբ, տեղի ունեցավ քաղաքի մտավորականների, ուսանողների, երիտասարդական տարբեր միությունների ներկայացուցիչների հավաք՝ ընդդեմ ազգային պետական լեզվի վարկաբեկման եւ օտարալեզու դպրոցների վերաբացման: Հավաքվածները պահանջեցին Ազգային ժողովից՝ կտրականապես ու վերջնականորեն մերժել օտարալեզու դպրոցների բացման օրինագիծը: Կազմակերպվեց ստորագրահավաք եւ ստորագրությունների ցանկն ուղարկվեց Ազգային ժողով:
Հիշեցնենք, որ դեկտեմբերի 7-ին էլ ԱԺ շենքի առջեւ հավաքված «Մենք դեմ ենք օտարալեզու դպրոցների վերաբացմանը» նախաձեռնության անդամները բողոքի հերթական ակցիան էին իրականացնում:
