![\"\"](\"https://www.aravot.am/2010/aravot_arm/December/9/p1.jpg\")
Երեկ երեկոյան Գագիկ Բեգլարյանը զբաղեցրած պաշտոնից հրաժարականի դիմում է ներկայացրել:
Այս մասին տեղեկություն է տարածել քաղաքապետարանի հասարակայնության եւ մամուլի հետ կապերի վարչությունը: Ըստ «Երեւան քաղաքում տեղական ինքնակառավարման մասին» օրենքի, որն ընդունվել է եւ գործում է 2008-ի դեկտեմբերի 26-ից, քաղաքապետի լիազորությունները դադարեցվում են կամ դադարում են մի շարք դեպքերում, այդ թվում՝ հրաժարականի դեպքում: Oրենքի 46-րդ հոդվածի համաձայն, նոր քաղաքապետի ընտրություններն անցկացվում են ոչ ուշ, քան մեկ ամսվա ժամկետում՝
արտահերթ ընտրություններով: Թեկնածուներ կարող են առաջադրել ավագանու խմբակցությունները:
«Առավոտի» ունեցած տեղեկություններով, սպասվում է նաեւ արդարադատության նախարար
Գեւորգ Դանիելյանի պաշտոնանկությունը, որի պատճառների մասին հնարավոր է խոսել միայն ենթադրություններով: Այս մի պաշտոնին նշանակելու իրավասությունը ՀՀ նախագահինն է:
