Երեքշաբթի օրը Ռուսաստանի նախագահ Դմիտրի Մեդվեդեւը ժամանել է Բրյուսել՝ մասնակցելու Ռուսաստան-Եվրամիություն գագաթաժողովի աշխատանքներին:
Չորեքշաբթի օրը Բելգիա այցի ընթացքում երկկողմ հանդիպումների շրջանակներում ՌԴ նախագահը հանդիպելու է Բելգիայի թագավոր Ալբերտ 2-րդի հետ եւ բանակցություններ է վարելու երկրի վարչապետ Իվ Լետերմի հետ:
News.ru-ն հաղորդում է, որ Ռուսաստան-ԵՄ թվով 26-րդ գագաթաժողովում քննարկվելու են Ռուսաստանի եւ ԵՄ անդամ երկրների միջեւ առանց վիզայի ռեժիմին անցնելու, Առեւտրի համաշխարհային կազմակերպությանը Ռուսաստանի անդամակցությանը վերաբերող հարցեր: Գագաթաժողովի օրակարգում են լինելու նաեւ էներգետիկ անվտանգությանը, Ռուսաստանի եւ ԵՄ միջեւ նոր բազային համաձայնագրին, նաեւ համաշխարհային ֆինանսա-տնտեսական վերջին ճգնաժամի հաղթահարմանն առնչվող խնդիրներ:
