Ըստ ՀՀ ոստիկանության պաշտոնական կայքէջի, «Արմենիա» բժշկական կենտրոնից դեկտեմբերի 4-ին ոստիկանության Արաբկիրի բաժնում հաղորդում է ստացվել, որ կտրած-ծակած վնասվածքներով Սունդուկյան փողոցի 29 շենքի բնակարաններից մեկից իրենց մոտ է տեղափոխվել 60-ամյա Մանգասար Մ.-ն:
Ոստիկանները պարզել են, որ Մանգասար Մ.-ի ծանոթ ոմն Դավո, մուտք է գործել նրա բնակարան, գումար պահանջել եւ, մերժում ստանալով՝ դանակի մի քանի հարված հասցրել ու դիմել փախուստի: Ձեռնարկված միջոցառումների շնորհիվ պարզվել է, որ Դավոն 30-ամյա Դավիթ Կ.-ն է: Դանակն առգրավված է:
Ձեռնարկվում են միջոցառումներ Դավիթ Կ.-ին հայտնաբերելու ուղղությամբ:
