Դեկտեմբերի 4-ին ահազանգ է ստացվել, որ Կապանի Սպանդարյան փողոցում տեղի է ունեցել ավտովթար, եւ անհրաժեշտ է փրկարարների օգնությունը: Դեռեւս չպարզված հանգամանքներում Արթուր Հայրապետյանին պատկանող «Նիսան» մակնիշի 23 ՏՍ 931 պետհամարանիշի ավտոմեքենան դուրս է եկել ճանապարհի երթեւեկելի մասից, վրաերթի ենթարկել քաղաքացի 20-ամյա Աննա Դալլաքյանին եւ բախվել ճամփեզրի հենապատին: Ա. Դալլաքյանը տեղում զոհվել է: Ա. Հայրապետյանը տեղափոխվել է Կապանի կենտրոնական հիվանդանոց:
