![\"\"](\"https://www.aravot.am/2010/aravot_arm/December/3/p13.jpg\")
Տավուշի մարզի Կողբ գյուղի բնակիչ՝ 76-ամյա որսորդ Հրանտ Ջիլավյանը տիրապետում է գայլեր որսալու բազմաթիվ հնարքների: Գայլերի դեմ անխոնջ պայքարի համար նրան Նոյեմբերյանի տարածաշրջանում կնքել են «Գել Հրանտ» մականունով: Չնայած պատկառելի տարիքին, նա ամեն օր անտառ է գնում, զննում գազանների հետքերը: «Գայլ Հրանտը» տեղեկացել է, որ Արցախում յուրաքանչյուր գայլ սպանելու համար պետությունը 100 հազար դրամ է վճարում եւ մտադիր է տեղափոխվել Արցախ եւ լծվել այդ գիշատիչների ոչնչացման գործին: Որսի ավանդական եղանակից՝ հրացանից առավել «Գայլ Հրանտը» նախընտրում է անտառային կածաններին մետաղալարով թակարդներ լարելը: Ավելին, Հրանտ Ջիլավյանը գայլերին բնում ոչնչացնելու համար հաճախ դաշույնով սողոսկում է գայլաբները:
