![\"\"](\"https://www.aravot.am/2010/aravot_arm/December/1/p14.jpg\")
Երեքշաբթի օրը Եգիպտոսում հրապարակվելու էին դեռ անցած կիրակի այդ երկրում տեղի ունեցած խորհրդարանական ընտրությունների արդյունքները: Եգիպտոսի մի քանի քաղաքներում, սակայն, ընդդիմությունը, որը հայտարարել է ընտրությունների կեղծված լինելու եւ քվեարկության ժամանակ միջազգային դիտորդների՝ տեղամասեր մուտք գործելն արգելելու մասին, շարունակում է բողոքի ակցիաներ անել, որոնք ուղեկցվում են զանգվածային անկարգություններով: Այդ մասին հաղորդում է ԼՁԸՀ-ՁԸհհ-ը՝ հավելելով, թե անկարգությունների ընթացքում առնվազն մեկ մարդ վիրավորվել է:
Բախումներ են տեղի ունեցել ընդդիմադիր «Մուսուլմանական եղբայրներ» կուսակցության աջակիցների եւ ոստիկանության միջեւ: Միջազգային հանրությունը մտահոգված է Եգիպտոսում ստեղծված իրավիճակով ու նաեւ կասկած է հայտնել այդ ընտրությունների օրինականության առնչությամբ: BBC-ի մատուցմամբ, ԱՄՆ-ը հիասթափություն է հայտնել այդ ընտրություններում գրանցված օրինախախտումների առնչությամբ:
