Աջափնյակ եւ Դավիթաշեն վարչական շրջանների ընդհանուր իրավասության դատարանում այսօր քննության կդրվի ԱՆ «Նուբարաշեն» ՔԿՀ կալանավոր, ցմահ ազատազրկման դատապարտված Մհեր Ենոքյանի հայցի քննությունը: Նա դատի է տվել «Կենտրոն» հեռուստաընկերությանը, որը, ըստ նրա, աղավաղված տեղեկություններ է հաղորդել իր քրեական գործի հետ կապված: Մ. Ենոքյանը ցանկանում է, որ հայցի քննությանն ապահովեն իր ներկայությունը: Եթե դատարանը չկարողանա նրան մասնակից դարձնել դատաքննությանը, ապա դատարանում նրան կներկայացնի ՀՀ փաստաբանների պալատի անդամ Վահագն Մանուկյանը:
«Առավոտի» տեղեկություններով, անազատության մեջ գտնվող դատապարտյալը պահանջելու է բացահայտել իր դեմ հարուցված քրեական գործի նյութերը լրատվամիջոցին տրամադրելու աղբյուրը:
