Հայտնի երգիչներ Ալիշա Քիսը, Lady Gaga-ն, Ջասթին Թիմբերլեյքը, Աշերը ՁԻԱՀ-ի դեմ պայքարի համաշխարհային օրը կհրաժարվեն իրենց անձնական էջերից՝ Facebook եւ Twitter սոցիալական ցանցերում: «Digital Life Sacrifice» բարեգործական ակցիայի ժամանակ երաժիշտները որոշել են հրաժարվել այդ էջերից այնքան ժամանակով, քանի դեռ Ալիշա Քիսի «Keep a Child Alive» բարեգործական կազմակերպությունը չի հանգանակի 1 մլն ԱՄՆ դոլար: Դա տեղի է ոնենալու դեկտեմբերի 1-ից:
Ըստ tert.am-ի՝ ակցիային կմիանան Քիմ եւ Քլոյե Քարդաշյանները, դերասան Էլայջա Վուդը եւ թենիսիստուհի Սերեն Ուիլյամսը: Ի դեպ, ակցիայի մասնակիցներն արդեն տեսահոլովակ են նկարահանել՝ «Վերջին հրապարակումը Twitter-ում» վերնագրով, որտեղ հայտնի մարդիկ պառկում են դագաղի մեջ, ինչը կխորհրդանշի նրանց մահը սոցիալական կայքերի համար:
