Կոտայքի մարզի ընդհանուր իրավասության դատարանը այս տարվա ապրիլի 13-ին Չարենցավանի ոստիկանությունում անհասկանալի հանգամանքներում մահացած Վահան Խալաֆյանի գործով երեկ հրապարակեց 4 ամբաստանյալ-ոստիկանների դատավճիռը: Ոստիկանության Չարենցավանի քրեական հետախուզության բաժանմունքի պետ Աշոտ Հարությունյանը դատապարտվեց 8 տարվա ազատազրկման, իսկ օպեր-լիազոր Մորիս Հայրապետյանը՝ 2 տարվա պայմանական ազատազրկման: Օպեր-լիազորներ Գագիկ Դավթյանն ու Գարիկ Ղազարյանն անմեղ ճանաչվեցին:
Դատավճռի հրապարակմանը ներկա չէին մեղադրողներ Կորյուն Փիլոյանն ու Հարություն Հարությունյանը:
