«Վանաձոր քիմպրոմ» ընկերության աշխատակիցները յոթ ամիս է, ինչ աշխատավարձ չեն ստացել եւ երեկ մտադիր էին բողոքի ակցիա կազմակերպել: Ակցիան սակայն չի կայացել, քանզի ընկերության ղեկավարները աշխատողներին խոստացել են, որ առաջիկա մեկ շաբաթում բոլոր հարցերը կլուծվեն: Ընկերության ղեկավարությունը միաժամանակ խոչընդոտել է գործարանի մուտքի մոտ եկած լրագրողների աշխատանքը՝ նրանց արգելելով լուսանկարել հավաքված բազմությանը:
