Պենտագոնի զեկույցի համաձայն, Աֆղանստանում բռնության մակարդակը հասել է 2001թ.-ին այդ երկրում ՆԱՏՕ-ի գործողությունների իրականացման մեկնարկից ի վեր գրանցված ամենաբարձր մակարդակին: BBC-ի մատուցմամբ, այդպիսի գնահատական կա ամերիկյան պաշտպանական գերատեսչության կողմից ԱՄՆ Կոնգրեսի քննարկմանը ներկայացված զեկույցում: Պենտագոնը Աֆղանստանում իրականացվող ռազմական արշավի ընթացքի վերաբերյալ նման զեկույցներ է ներկայացնում տարին երկու անգամ: Այս մի զեկույցում ասված է, թե կոալիցիոն զորքերի եւ թալիբների բախումներն այդ երկրում 2007թ. համեմատ ավելացել են չորս անգամ: Փաստաթղթում նշված են նաեւ գրոհայինների համառությունն ու փոփոխվող պայմաններին հարմարվելու նրանց ունակությունը:
