Վաղը հայաստանցի չորս թհեկվանդոիստներ մեկնում են Ֆրանսիա, որտեղ նոյեմբերի 27-28-ին կմասնակցեն Փարիզի բաց առաջնություն ավանդական բաց մրցաշարին:
Տատամի մտնելու են Եվրոպայի 2008 թվականի չեմպիոն, մինչեւ 80 կգ քաշային Արման Երեմյանը, Հայկազ Սամվելյանը՝ 58 կգ, Վահան Հարությունյանը՝ 68 կգ, եւ գերծանր քաշային Արամ Սահակյանը: Մասնագետները նշում են, որ ոչ բոլոր ուժեղներն ու արժանավորներն են մեկնել: Շատերը նման բարձր կարգի մրցաշարերի մասնակցելու միջոցներ չունեն: Վերոնշյալ քառյակն էլ Փարիզ մեկնել է հովանավորների աջակցությամբ:
Թհեկվանդոն օլիմպիական երիտասարդ մարզաձեւ է եւ նրա զարգացմանը Հայաստանում պետք է ավելի նշանակություն տալ: Արդեն եկող տարի սկսվում են օլիմպիական խաղերի ուղեգրերի համար մրցումները, որոնցից առաջինը մայիսի սկզբին Կորեայում կայանալիք աշխարհի առաջնությունն է: Դրան հաջորդելու են վարկանիշային երկու մրցաշարեր՝ Բաքվում եւ Կազանում:
