![\"\"](\"https://www.aravot.am/2010/aravot_arm/November/24/p1.jpg\")
«Ժառանգության» ներկայացուցիչները տպավորություններ են
փոխանակում Ընտրական համակարգերի միջազգային հաստատության ծրագրի հայաստանյան մասնաճյուղի տնօրեն Մայքլ Գետոյի հետ:
Ընտրական օրենսդրության վերաբերյալ համաժողովի ընթացքում ամերիկյան փորձագետ Ջոն Յանգը նշեց. «Չիկագոյում էլ են ընտրողները հարություն առնում եւ քվեարկում»: Հետո Վենետիկի հանձնաժողովի փորձագետ Վադիմ Ժդանովիչն ասաց. «Բյուրեղյա մաքուր ընտրություններ չկան՝ խնդիրներ եղել են նաեւ Հոլանդիայի էլեկտրոնային քվեարկության համակարգում»: Եվ վերջապես՝ նաեւ IFES-ի ընտրական հարցերով փորձագետ Կամերոն Քուինը նշեց, թե երբեք չի տեսել որեւէ ընտրություն, որտեղ չլինի առնվազն 1-2 տեղամաս, որտեղ ավելի շատ մարդ է քվեարկում, քան գրանցված են: «Ուզում եմ հասկանաք՝ ընտրակեղծիքները համամարդկային են, ամեն տեղ էլ կան»,- ասաց նա ու պատմեց, թե ինչ-որ տեղ քարերով են քվեարկել, բայց գտնվել են ոչ միայն քարեր լցոնողներ, այլ նաեւ դրանք կուլ տվողներ, ուստի ստիպված են եղել քարերը փոխարինել աթարով: «Ժառանգություն» խմբակցության ղեկավար Ստյոպա Սաֆարյանը լսելով այս բոլոր պատմությունները՝ «Առավոտին» ասաց.
«Այնպիսի տպավորություն է, որ եկել են մեզ մխիթարեն»:
Կարդացեք նաեւ՝
