Արարատի մարզպետարանից տեղեկացանք, որ Սյունիքում գործող Զանգեզուրի պնձամոլիբդենային կոմբինատը՝ ԶՊՄԿ-ն 50 միլիոն դրամ է նվիրել Արարատի մարզպետարանին: Այս գումարով մարզպետարանի շենքի պատուհանները փոխվել են, կառուցվել է ջեռուցման լոկալ համակարգ ե՛ւ մարզպետարանում, ե՛ւ Մասիս քաղաքի Առնո Բաբաջանյանի անվան երաժշտական դպրոցի դահլիճում:
Այս ամենից հետո Արարատի հանրապետական մարզպետ Էդիկ Բարսեղյանը շնորհակալություն է հայտնել ԶՊՄԿ գլխավոր տնօրեն, հանրապետական Մաքսիմ Հակոբյանին եւ պարգեւատրել Արարատի մարզպետի հուշամեդալով եւ շնորհակալագրով: Իսկ թե ինչու հանրապետական մեծամասնությամբ կառավարությունը կամ հանրապետական մեծամասնությամբ խորհրդարանը Արարատի մարզպետարանի համար պետական բյուջեով միջոցներ չեն նախատեսում՝ պարզ չէ: Դատելով Հանրապետական կուսակցության պաշտոնական կայքից, Արարատի մարզպետ Էդիկ Բարսեղյանի նկատմամբ անուշադրությունը արդեն սովորական է: Էդիկ Բարսեղյանը Արարատի մարզպետն է 2010 թվականի հուլիսի 15-ից, սակայն, ըստ կայքի, Արարատի մարզպետը Վարդգես Հովակիմյանն է՝ https://www.hhk.am/arm/pages/o ther_dep.html:
