Երեկ, ժամը 12:30-ի սահմաններում, Մաշտոցի պողոտայի եւ Պուշկինի փողոցի խաչմերուկում բախվել են «Մերսեդես» մակնիշի 006 ՏՕ 01 եւ «Վոլվո» մակնիշի 15 ՏP 555 համարանիշներով ավտոմեքենաները: «Առավոտի» տեղեկություններով, «Մերսեդեսը» սպասարկում է ՀՀ գլխավոր դատախազության աշխատակազմի ղեկավար Աշոտ Եսայանին: Այն վարել է 56-ամյա Էդվարդ Սերյոժայի Հովհաննիսյանը: «Վոլվոն», որը վարում էր 20-ամյա Էրիկ Արմենի Աբգարյանը, պատկանում է ԼՂՀ ինչ-որ պաշտոնյայի: Վթարի վայր ժամանած Երեւանի Ճանապարհային ոստիկանության աշխատակիցներն ու ՀՀ ճանապարհային ոստիկանության հետաքննչական բաժանմունքի հետաքննիչները տեղազննման աշխատանքներ կատարելուց հետո մեքենաները տեղափոխեցին տուգանային հրապարակ, իսկ վարորդները ներկայացվել էին բժշկական վկայարկման՝ նրանց սթափության վիճակը պարզելու համար: Պարզվել է, որ նրանք եղել են սթափ վիճակում:
