![\"\"](\"https://www.aravot.am/2010/aravot_arm/November/20/p1.jpg\")
![\"\"](\"https://www.aravot.am/2010/aravot_arm/November/20/p1-2.jpg\")
Երեկ, ժամը 20:00-ի սահմաններում, Թբիլիսյան խճուղում՝ «ՀայՌուսգազարդ» ընկերության մոտ, ՎԱԶ-21099 մակնիշի 11 ՍԼ 634 համարանիշի ավտոմեքենայի վարորդը վրաերթի է ենթարկել մի քաղաքացու՝ 1967թ. ծնված Բորիս Լազարյանին, որը շտապ օգնության մեքենայով տեղափոխվել է «Սուրբ Գրիգոր Լուսավորիչ» բժշկական կենտրոն: Երեւան քաղաքի Ճանապարհային ոստիկանության աշխատակիցների՝ դեպքի վայր ժամանելուց, տեղազննություն ու չափագրում անելուց հետո ավտոմեքենան տեղափոխվել է տուգանային հրապարակ:
«Առավոտի» տեղեկություններով, քաղաքացուն վրաերթի ենթարկողը ՊՆ մայոր Արայիկ Հրանտի Հովհաննիսյանն է, ով աշխատում է ՊՆ Կոտայքի մարզի Բալահովիտի զորամասում՝ որպես վառելիքա-քսուքային նյութերի շտաբի պետ: Երբ ՃՈ տեսուչը ՊՆ աշխատակցից պահանջել է ավտոմեքենայի անձնագիրն ու վարորդական իրավունքի վկայականը, մայոր Հովհաննիսյանը պատասխանել է. «Ուդոստովիրենիս հետս չի, սաղ դակումենտները թողել եմ տանը, ավտոն իմս չի, ախպորինս ա»:
