![\"\"](\"https://www.aravot.am/2010/aravot_arm/November/19/p16.jpg\")
Երեկ Հայաստանի լավագույն շախմատիստ, գրոսմայստեր Լեւոն Արոնյանը Մոսկվայում անցկացված կայծակնային շախմատի աշխարհի առաջնությունում նվաճեց չեմպիոնի կոչումը:
Առաջնությունում Հայաստանի միակ մասնակից տաղանդաշատ գրոսմայստերը ժամանակակից շախմատի 20 լավագույն ներկայացուցիչների հետ պայքարի 38 տուրերում տարավ 20 հաղթանակ, 9 անգամ խաղատախտակի առջեւից հեռացավ կես միավոր վաստակած, կրեց նույնքան պարտություն եւ 24,5 միավորով միանձնյա հռչակվեց կայծակնային շախմատի աշխարհի չեմպիոն: Ընդ որում, Արոնյանը 1,0 միավորով գերազանցեց ՖԻԴԵ-ի վարկանիշային աղյուսակը գլխավորող նորվեգացի Մագնուս Կարլսենին, որը բավարարվեց երրորդ հորիզոնականով: Իսկ մրցանակային երկրորդ տեղը նվաճեց Ադրբեջանի ներկայացուցիչ Թեյմուր Ռաջաբովը:
Armchess.am կայքը առաջնության ավարտից րոպեներ հետո հայ շախմատասերներին հիշեցնում էր, որ Արոնյանը կայծակնային շախմատի աշխարհի չեմպիոնի այս կոչումն ավելացրեց իր նախորդ բարձրագույն նվաճումներին: Նա նաեւ համաշխարհային օլիմպիադայի կրկնակի չեմպիոն է, աշխարհի գավաթակիր, արագ շախմատի աշխարհի չեմպիոն, Ֆիշերի վարկածով աշխարհի չեմպիոն, «Grand Prix»-ի եւ «Մեծ սաղավարտի» հաղթող:
«Առավոտը» ջերմորեն շնորհավորում է հայկական շախմատի առաջատարին:
