Չինաստանում մի կնոջ դատապարտել են 1 տարվա հարկադիր աշխատանքի աշխատանքային ճամբարում՝ Twitter կայքում արած գրառման համար: Կնոջ փեսացուն, որը իրավապաշտպան է, BBC-ին փոխանցել է, թե իր հարսնացուն դատապարտվել է հասարակական կարգը խախտելու համար, թեեւ այն հաղորդագրությունը, որը նա տեղադրել էր կայքում՝ կատակ էր եղել: Կինը ընդամենը կրկնել էր Twitter սոցիալական կայքում տեղադրված մակագրությունը, որն ազգայնականներին կոչ էր անում ջարդել Շանհայի «Էքսպո» ցուցահանդեսի ճապոնական տաղավարը՝ հավելելով. «Առա՛ջ, կատաղած երիտասարդություն»: Հիշեցնենք, որ Twitter կայքը Չինաստանում արգելված է:
