«Արմինֆո» գործակալությունը տեղեկացնում է, որ Լեռնային Ղարաբաղի Հանրապետությունում կայացել է լուսանկարիչ Զոհրաբ Իրքոյանի «Մեր Քաշաթաղը» գիրք-ալբոմի շնորհանդեսը: Հրատարակությունը ներառում է ԼՂՀ Քաշաթաղի շրջանի (Լաչինի) ավելի քան 100 հայկական պատմաճարտարապետական հուշարձանների լուսանկարներ:
Շնորհանդեսի ժամանակ Զոհրաբ Իրքոյանը հայտարարել է, որ ժամանակին լուսանկարներ է կատարել թերթերի համար եւ որոշել է իր հավաքածուն վերածել գրքի: Գիրք-ալբոմը հրատարակվել է «Հայերի ակումբ» հասարակական կազմակերպության աջակցությամբ:
