«ՎիվաՍել-ՄՏՍ»-ը հնարավորություն է տալիս ապահովագրել ավտոմեքենան ընկերության սպասարկման բոլոր կենտրոններում, ինչպես նաեւ ստանալ նվերներ:
Այսուհետեւ ընկերության ավելի քան 100 սպասարկման կենտրոններում կարելի է ձեռք բերել ավտոտրանսպորտային միջոցների օտագործումից բխող պատասխանատվության պարտադիր ապահովագրության (ԱՊՊԱ) վկայագիր եւ կտրոն՝ նվազագույն գներով: «ՎիվաՍել-ՄՏՍ»-ը համագործակցում է «Նաիրի Ինշուրանս» ընկերության հետ, եւ այն վարորդները, որոնք պայմանագիր կկնքեն մինչեւ 2010 թվականի դեկտեմբերի 15-ը, կստանան նվեր՝ «ՎիվաՍել-ՄՏՍ»-ի գեղեցիկ հեռախոսահամար: Պայմանագիրը կնքելու համար անհրաժեշտ է ներկայացնել հետեւյալ փաստաթղթերը կամ դրանց պատճենները. ավտոմեքենայի սեփականատիրոջ անձնագիրը, սոցիալական քարտը, վարորդական իրավունքի վկայականը, ապահովագրվող տրանսպորտային միջոցի գրանցման վկայականը, եթե ավտոմեքենայի սեփականատիրոջ կողմից հանդես է գալիս լիազորված անձը՝ լիազորագիր եւ լիազորված անձի անձնագիրը, եթե պայմանագրում նշվելու են լիազորված վարորդներ, ապա վերջիններիս անձնագրերը, սոցիալական քարտերը եւ վարորդական իրավունքի վկայականները:
Հիշեցնենք, որ ավտոմեքենայի պարտադիր ապահովագրության պայմանագիրն անհրաժեշտ է կնքել մինչեւ 2011 թվականի հունվարի 1-ը:
