«Հայաստանի թռչնաֆաբրիկաները վարակված չեն հավի ժանտախտով»,- երեկ լրագրողներին վստահեցնում էր ՀՀ գյուղնախարար Գերասիմ Ալավերդյանը՝ տեղեկացնելով, որ ժանտախտի մի քանի դեպք է գրանցվել միայն Գեղարքունիքի ու Սյունիքի մարզերում: Թե ինչու ժանտախտը պետպատվերի մեջ ներառված չէ, նախարարն ասաց. «Շատ կարեւոր խնդիր է, բայց էլի կարեւոր խնդիրներ կան, որոնք ուղղակի չենք կարող պետպատվերի մեջ ընդգրկել, որովհետեւ գումարի պակասություն ունենք»: Ըստ նրա, հիվանդության բերած վնասները շատ չեն լինելու. Հայաստանն արդեն ներկրել է հիվանդության դեմ պայքարելու միջոցներն ու տարածել մի շարք վաճառակետերում: Գյուղնախարարը հորդորեց գյուղատնտեսական ընկերություններին օգտվել այդ միջոցներից, որոնք արագ ազդեցություն են թողնում:
