Ֆուտբոլի Հայաստանի ազգային հավաքականը ֆուտբոլային ասոցիացիաների միջազգային միության հրապարակած ազգային հավաքականների վարկանիշային դասակարգման նոյեմբեր ամսվա ցուցակում, նախորդի հետ համեմատած, մեկ աստիճան վեր է բարձրացել եւ հանգրվանել է 59-րդ հորիզոնականում: Հարկ է նշել, որ մեր ընտրանին դեռ երբեք այսքան բարձր կարգավիճակ չի ունեցել:
Այս ամսվա աղյուսակի առաջին տասնյակում միայն մեկ փոփոխություն է արձանագրվել. Եգիպտոսը շրջանցել է Ռուսաստանին՝ հանգրվանելով 10-րդ հորիզոնականում:
1. Իսպանիա, 2. Հոլանդիա, 3. Բրազիլիա, 4. Գերմանիա, 5. Արգենտինա, 6. Անգլիա, 7. Ուրուգվայ, 8. Պորտուգալիա, 9. Խորվաթիա, 10. Եգիպտոս:
