Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում պետք է շարունակվեր ՀՀ մաքսային պետական կոմիտեի նախկին պետ Արմեն Ավետիսյանի տան վրա կատարված ավազակային հարձակման կապակցությամբ հարուցված քրեական գործի դատաքննությունը: Դատալսումը հետաձգվեց մինչեւ այսօր, քանի որ ամբաստանյալներից մեկի պաշտպանը՝ Համլետ Մկրտչյանը, դատարանին դիմում էր ներկայացրել, որ դժբախտ դեպքի պատճառով չի կարող ներկայանալ նիստին: Նկատենք, որ վերջին շրջանում պաշտպանների ձեռամբ սովորական է դարձել այս դատավարության նիստերի հետաձգումը:
