![\"\"](\"https://www.aravot.am/2010/aravot_arm/November/16/p1.jpg\")
Լուսանկարը ՝ Գագիկ Շամշյանի
Երեւանի քաղաքապետարանը դարձյալ մերժել է ի գիտություն ընդունել Հայ ազգային կոնգրեսի՝
նոյեմբերի 26-ին, Ազատության հրապարակում հանրահավաք անցկացնելու հայտը, որը քաղաքապետարանին ներկայացվել էր դեռ նոյեմբերի 9-ին, ՀԱԿ-ի լիազոր ներկայացուցիչ
Տիգրան Առաքելյանի կողմից: Քաղաքապետարանը, ինչպես միշտ, այս անգամ էլ ընդդիմությանն առաջարկել է հանրահավաքն անցկացնել Մատենադարանի հարակից տարածքում՝ պատճառաբանելով, թե Ազատության հրապարակը զբաղված է՝ մինչեւ դեկտեմբերի 5-ը հրապարակում ցուցահանդես-վաճառք է լինելու: Մինչ այս Կոնգրեսը Ազատության հրապարակում հանրահավաք անցկացնելու արդեն 30 հայտ է ներկայացրել, որոնք բոլորն էլ մերժվել են:
