Մյանմայի իշխանությունները ձերբակալել են ավստրալիացի երկու լրագրողների եւ նրանց վտարել են երկրից: Ինչպես փոխանցում է ԼՁԸՀ-ՁԸհհ-ը, լրագրողների նկարահանող խումբն այդ երկրում նպատակ է ունեցել նկարահանումներ անել Հարավ-Արեւելյան Ասիայում անկախ ԶԼՄ-ների մասին վավերագրական ֆիլմ պատրաստելու համար: Ավստրալիայի արտաքին գործերի եւ արտաքին առեւտրի նախարարությունները մտահոգություն են հայտնել ստեղծված իրավիճակի առնչությամբ եւ Մյանմայի իշխանություններից բացատրություն են պահանջել:
Մյանմայում, աղբյուրի մատուցմամբ, սա լրագրողների դեմ գործողությունների առաջին դեպքը չէ: Այդ երկրում օտարերկրյա լրագրողների աշխատանքները լրջորեն խոչընդոտվում են: Միանմայում խորհրդարանական ընտրությունների նախաշեմին առանց պատճառաբանության ձերբակալվել եւ իրենց երկրներ են վտարվել արդեն տասնյակ լրագրողներ:
