Գործադիրը հավանության է արժանացրել ՀՀ կառավարությանն առընթեր անշարժ գույքի կադաստրի պետական կոմիտեի համակարգում բարեփոխումների իրականացման հայեցակարգը: 2012 թվականին նախատեսվող բարեփոխումները ենթադրում են կոմիտեի գործառույթների իրականացման որակի բարձրացում, թափանցիկ գործունեություն, համակարգում կոռուպցիոն ռիսկերի նվազեցում ու սպասարկման որակի բարձրացում:
Առաջարկվող հայեցակարգով նախատեսվում է նաեւ համակարգում տեղեկատվական տեխնոլոգիաների ներդրում: Ըստ ՀՀ վարչապետ Տիգրան Սարգսյանի. «Մենք շահագրգռված ենք, որ հնարավորինս շուտ այս համակարգը գործի, ու եթե անհրաժեշտ են լրացուցիչ ֆինանսական միջոցներ, պատրաստ ենք քննարկել, որ մարզերում ավելի շուտ ներդնենք: Մեր քաղաքացիները հնարավորություն կստանան օգտվել այս ծառայություններից էլեկտրոնային եղանակով եւ առանց բյուրոկրատական քաշքշուկի»:
