Կառավարությունը երեկվա նիստում հավանություն է տվել «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքում փոփոխություն կատարելու մասին նախագծին: Ըստ Սփյուռքի նախարար Հրանուշ Հակոբյանի, «Հիմնական նպատակն այն է, որ գործող կարգի համաձայն, 27 տարեկան երիտասարդները մինչեւ մայիսի 1-ը իրավունք ունեին գումար վճարելով ազատվել զինվորական ծառայությունից, իսկ մենք երկարաձգում ենք մինչեւ նոյեմբերի 1-ը: Այս օրենքը գործում է 2003 թվականից, եւ սահմանված գումարը 10 տարվա համար ընդամենը 1 միլիոն 800 հազար դրամ է, իսկ թերթերում գրել են 150 000 դրամի մասին»:
