«Արդար դատաքննություն եւ դատական իրավունքի անկախություն» թեմայով համաժողովին մասնակցող եվրոպացի իրավապաշտպաններն այդպես էլ չեն հանդիպել «Մարտի 1»-ի զոհերի ծնողների հետ: Այդ մասին փոխանցում է «Ա1+»-ը: Հիշեցնենք, որ մարտիմեկյան իրադարձությունների ժամանակ զոհվածների հարազատները դեռ նոյեմբերի 8-ին նամակ-դիմում էին փոխանցել ԵՄ պատվիրակության հայաստանյան գրասենյակին, որով խնդրել էին հանդիպել ԵՄ ներկայացուցիչների հետ: Նրանց նամակը պետք է հանձնվեր մարդու իրավունքի եվրոպացի պաշտպաններին, սակայն զոհերի ծնողներն այդպես էլ պատասխան չեն ստացել: Եվրոպացի իրավապաշտպանները Հայաստանից մեկնել են առանց զոհերի հարազատների հետ հանդիպելու: Ծնողներից մեկը՝ Ալլա Հովհաննիսյանը, «Ա1+»-ի հետ զրույցում դրա համար մեղադրել է ԵՄ հայաստանյան գրասենյակին:
