Այս ամռանը սիրողական բռնցքամարտի Ֆրանսիայի ազգային հավաքականը Հայաստանում համատեղ ուսումնամարզական հավաք անցկացրեց Հայաստանի ընտրանու հետ: Այդ մասին «Առավոտը» մարզասերներին տեղեկացրել է:
Հայաստանում գտնվելու ընթացքում երկու ազգային ֆեդերացիաների միջեւ պատասխան այցելության պայմանավորվածություն է ձեռք բերվել եւ, ըստ դրա, մեր ազգային հավաքականը պատրաստվում է նոյեմբերի 1-ին մեկնել Փարիզ: Հավաքականի գլխավոր մարզիչ Ռաֆայել Մեհրաբյանը ընտրել է ութ քաշային կարգերում մեկական բռնցքամարտիկ: Մեր տղաները Ֆրանսիայում համատեղ ուսումնամարզական հավաք են անցկացնելու Ֆրանսիայի, Միացյալ Նահանգների եւ Ուկրաինայի հավաքականների հետ, որի ավարտին մասնակցելու են տեղում կազմակերպվելիք միջազգային մրցաշարին:
