Գյումրիի «Էլեկտրատեխնիկ» գործարանի տարածքում գտնվող Մինաս Ավետիսյանի երեք որմնանկարներն ամբողջությամբ վերականգնվել են եւ նոյեմբերի 12-ին կտեղափոխվեն Երեւան ու կտեղադրվեն Հայաստանի կառավարության նիստերի դահլիճում: Այս մասին երեկվա ասուլիսում հայտնեց մշակույթի նախարարության Ժամանակակից արվեստների եւ ժողովրդական արհեստների վարչության պետ Սոնա Հարությունյանը: Ըստ նրա, տեղադրման աշխատանքներն ամբողջությամբ ավարտելու համար կպահանջվի եւս 7 օր: Առաջիկայում կվերականգնվի նաեւ նկարչի լավագույն գործերից մեկը համարվող՝ Վահրամաբերդում գտնվող որմնանկարը:
