Ըստ tert.am-ի, Թուրքիայում հայտնի ստամբուլահայ դերասան Միսաք Թորոսը կասկածելի պայմաններում մահացել է Ստամբուլի Բեյօղլու թաղամասում գտնվող «Ազատ եւ ընդունված մասոնների միության» շենքում:
Թուրքական Haberturk-ի փոխանցմամբ՝ 70-ամյա հայազգի դերասանը «Ազատ եւ ընդունված մասոնների միության» շենքում վերելակ նստելու ընթացքում վատացել է: Առաջին օգնությունը ցուցաբերել են շենքի անվտանգության աշխատակիցները: Դեպքի վայր ժամանած բժիշկները հայտնաբերել են, որ Միսաք Թորոսը արդեն մահացել է: Բեյօղլուի ոստիկանության աշխատակիցների ուսումնասիրություններից հետո Միսաք Թորոսի մահը գրանցվել է որպես «կասկածելի մահ»: Որոշ տեղեկություններով՝ հայազգի դերասանը մահացել է սրտի կաթվածից: Թուրքական թատրոնի մեծ դերասան Միսաք Թորոսը խաղացել է մի շարք գեղարվեստական ֆիլմերում, մեծ հեղինակություն վայելող հեռուստասերիալներում, ինչպես նաեւ դասավանդել է արվեստների դպրոցում:
