Ըստ գերմանացի գիտնականների՝ Կլեոպատրայի մահվան պատճառ են հանդիսացել թմրանյութերը: Եգիպտոսի վերջին տիրակալուհու մահվան պատճառը գերդոզավորումն է եղել, այլ ոչ թե օձի խայթոցը, ինչպես շատերը համարում էին մինչ այժմ: Հետազոտությունների ղեկավար Քրիստոֆ Շեֆֆերի գլխավորությամբ՝ գիտնականները նման եզրակացության են հանգել հատկապես այն բանից հետո, երբ մանրամասն ուսումնասիրել են Ալեքսանդրիայի բժշկական տեքստերը եւ խորհրդակցել են օձագետների հետ:
Ի վերջո բացահայտվել է, որ պատմական նյութերը հերքում են օձի առկայությունը Կլեոպատրայի ննջարանում: Բացի այդ, ժամանակակիցների վկայությունները հավաստում են, որ 39-ամյա կայսրուհին ցանկանում էր գրավիչ լինել նաեւ մահից հետո: Գուցե հենց օփիումի եւ այլ թունավոր բույսերի խառնուրդն էր նրան օգնում պահպանել գրավչությունը: Հարկ է նշել նաեւ, որ օձի խայթոցից հետո նա կարող էր մինչ մահանալը մի քանի oր հոգեվարքի մեջ գտնվել, սակայն հայտնի է, որ Կլեոպատրան մահացել է մի քանի ժամվա ընթացքում:
