Արգենտինահայ թենիսիստ, 28-ամյա Դավիթ Նալբանդյանը (համաշխարհային դասակարգման 29-րդ տեղ) Բազելում ընթացող ATP մրցաշարում մտավ քառորդ եզրափակիչ: Դավիթը հիմնական մրցաշարի երկրորդ տուրում 1 ժամ 59 րոպեում 4:6, 6:4, 6:4 հաշվով առավելության հասավ Մարին Չիլիչի նկատմամբ: Խորվաթ թենիսիստը 22 տարեկան է եւ ATP վարկանիշային դասակարգման ցուցակում զբաղեցնում է 15-րդ հորիզոնականը:
Հաջորդ փուլում Դավիթ Նալբանդյանի մրցակիցը ամերիկացի Էնդի Ռոդիկն է: Նա իր հերթին պայքարից դուրս թողեց Ղազախստանի ներկայացուցիչ Անդրեյ Գոլուբեւին՝ 6:3, 6:4: Ռոդիկը ժամանակին գլխավորել է համաշխարհային դասակարգման ցուցակը, իսկ այսօր եզրափակում է լավագույն տասնյակը: Այս մասին հիշեցնում է Armsport.am-ը:
