![\"\"](\"https://www.aravot.am/2010/aravot_arm/November/6/p16.jpg\")
Ուկրաինայի ընդդիմադիր կուսակցությունները հայտարարել են, թե հոկտեմբերին այդ երկրում տեղի ունեցած տեղական ինքնակառավարման մարմինների ընտրությունները կեղծվել են հօգուտ իշխող՝ Ռեգիոնների կուսակցության:
Այդ ընտրությունների ընթացքում տեղ գտած օրինախախտումների առնչությամբ մտահոգություն է հայտնել նաեւ Եվրամիությունը: Այդ մասին ասված է Կիեւում ԵՄ ներկայացուցչության հրապարակած հայտարարության մեջ. «ԵՄ արտաքին գործերի եւ անվտանգության քաղաքականության հարցերով գերագույն հանձնակատար Քեթրին Էշտոնը մտահոգված է դիտորդների կողմից ընտրությունների ընթացքում խախտումների մասին ստացվող բազմաթիվ հաղորդագրությունների առնչությամբ»:
Իր հերթին ԱՄՆ պետդեպարտամենտը շեշտել է, թե հոկտեմբերի 31-ին Ուկրաինայում տեղի ունեցած ընտրությունները չեն համապատասխանել արդար եւ թափանցիկ ընտրություններ անցկացնելու միջազգային չափանիշներին:
