Պակիստանի Կարաչի քաղաքի օդանավակայանում թռիչքից քիչ անց տարանցիկ չվերթ իրականացնող եւ JS Air ավիաընկերությանը պատկանող Beech տեսակի փոքր ինքնաթիռը ավիավթարի է ենթարկվել: BBC-ի փոխանցմամբ, իշխանությունները հաղորդել են, որ ինքնաթիռում եղած բոլոր 21 անձինք զոհվել են: Նրանք եղել են իտալական ENI նավթային ընկերության աշխատակիցներ: Աղետի պատճառը, Պակիստանի քաղաքացիական ավիացիայի վարչության ներկայացուցիչ Փերվեզ Ջորջի ասելով, «շարժիչներից մեկի հետ կապված խնդիրն է եղել»:
Ինքնաթիռն ամբողջովին ոչնչացվել է: Զոհվածների մարմիններն այրվել են անճանաչելիության աստիճանի եւ հնարավոր չէ տարբերել՝ որոնք են կանայք եւ որոնք՝ տղամարդիկ: Հայտնի չէ նաեւ զոհված ուղեւորների քաղաքացիությունը:
