«Ավազակապետական համակարգը համապետական ընտրություններով իշխանությունը չի զիջելու, եթե այդ ընտրության պատվիրատուն հասարակությունը չհանդիսանա»,- երեկ «Սարդարապատ» շարժման հրավիրած «Համակարգային փոփոխությունների անհրաժեշտությունը. համապետական ընտրություններո՞վ, թե՞ ոչ» թեմայով քննարկման ժամանակ հայտարարել է «Ժողովրդավարական հայրենիք» կուսակցության նախագահ Պետրոս Մակեյանը: Նրա խոսքով, ընդդիմության քայլերը պետք է իրականացվեն այն տրամաբանությամբ, որ վարչախմբին պարտադրվի հրաժարական տալ եւ անցկացնել արտահերթ նախագահական ընտրություններ: «Միայն արտահերթ նախագահական ընտրություններ, որովհետեւ չի բացառվում, որ վարչախումբն իրավիճակը լիցքաթափելու նպատակով գնա արտահերթ ԱԺ ընտրություններին»,- ասել է Մակեյանը:
