![\"\"](\"https://www.aravot.am/2010/aravot_arm/November/6/p1.jpg\")
«Սարդարապատ» շարժումը երեկ հայտարարությամբ շնորհավորել է Արցախյան հերոսամարտի մասնակից, «Սասուն» ջոկատի հրամանատար, քաղբանտարկյալ, հանիրավի անազատության մեջ գտնվող Սասուն Միքայելյանի ծննդյան 53-րդ տարեդարձը, որը լրանալու է նոյեմբերի 7-ին: Հայտարարության մեջ ասվում է, որ Միքայելյանը հայ ժողովրդի լավագույն զավակներից մեկն է, ում քաղաքացիական կեցվածքը օրինակ է շատերիս եւ ապագա սերունդների համար, որ նա «կեղծիքի, անարդարության նկատմամբ անհանդուրժող եւ մարտնչող կեցվածքով կանգնած է հայ ժողովրդի այն զավակների կողքին, որոնց պայքարի շնորհիվ է կերտվելու նաեւ մեր բոլորիս երազած հայրենիքը»: Շարժումն ու նրա համակիրները Սասուն Միքայելյանին մաղթել են քաջառողջություն, համբերություն, անկոտրում կամք, ուժ եւ կորով: «Առավոտը» եւս միանում է այս շնորհավորանքներին:
