![\"\"](\"https://www.aravot.am/2010/aravot_arm/November/5/p16.jpg\")
Ռուսաստանի նախագահ Դմիտրի Մեդվեդեւը, որը վիրավորել էր Ճապոնիային՝ հարավկուրիլյան վիճահարույց կղզիներ այցելելով, հինգշաբթի օրը այդ երկրի վարչապետ Նաոտո Կանին խաղաղարար անսպասելի ուղերձ է հղել: ՌԴ նախագահը վարչապետ Նաոտո Կանին շնորհակալություն է հայտնել Իոկոգամում անցկացվելիք «Ասիական խաղաղօվկիանոսյան տնտեսական համագործակցության» (ԱԽՏՀ) անդամ երկրների առաջնորդների համաժողովին մասնակցելու հրավեր ստանալու կապակցությամբ եւ հաստատել է, որ ակտիվորեն կմասնակցի համաժողովի աշխատանքին: Իր ուղերձում Մեդվեդեւը հույս է հայտնել, որ հնարավոր կլինի համակարգային համատեղ միջոցառումներ իրականացնել՝ գլոբալ ֆինանսատնտեսական ճգնաժամի հետեւանքները հաղթահարելու, հետճգնաժամային փուլում տարածաշրջանում տնտեսական եւ սոցիալական ապահովության վրա խարսխված զարգացման օպտիմալ մոդել մշակելու նպատակով:
ԱԽՏՀ ոչ պաշտոնական համաժողովին մասնակցելու են 21 երկրի, այդ թվում՝ Ռուսաստանի, Չինաստանի, ԱՄՆ-ի, Ճապոնիայի, Հարավային Կորեայի եւ Հարավ-արեւելյան Աֆրիկայի առաջնորդները:
