![\"\"](\"https://www.aravot.am/2010/aravot_arm/November/5/p15.jpg\")
Հնդկական Մոմբեյ քաղաքի իշխանությունները լուրջ միջոցներ են ձեռնարկում՝ ապահովելու համար նոյեմբերի 6-9-ը Հնդկաստան այցի ընթացքում ԱՄՆ նախագահ Բարաք Օբամայի անվտանգությունն ապահովելու համար: APA-ի մատուցմամբ, Օբամային դժբախտ պատահարներից ապահովագրելու համար կոկոսները ծառերից արագ կարգով հավաքվում են: Քաղաքի իշխանությունները մտահոգություն ունեն, որ կոկոսները կարող են ընկնել Օբամայի գլխին:
Նախատեսվում է, որ Միացյալ Նահանգների նախագահը Հնդկաստան կատարելիք իր այցի շրջանակներում կայցելի Մահաթմա Գանդիի թանգարան, ուստի՝ թանգարանի շուրջ կոկոսի ծառերի ամբողջ բերքը հավաքվել է:
Ի դեպ, Օբամայի այցը համընկնելու է Հնդկաստանում Դիվալի տոնի հետ: Հենց այդ պատճառով ԱՄՆ նախագահի անվտանգությունը կրկնակի ուժեղացված ռեժիմով է իրականացվելու: Միացյալ Նահանգների անվտանգության ուժերն արդեն նախորդ շաբաթ ստուգել են բոլոր այն տեղերը, ուր Օբաման այցելելու է:
