Երեկ ՀՀ արդարադատության նախարարության ՔԿՀ մամուլի քարտուղար Արսեն Բաբայանը, արձագանքելով այն տեղեկությանը, ըստ որի՝ ՀՀ արդարադատության նախարարության «Կոշ» քրեակատարողական հիմնարկում պատիժ կրող դատապարտյալ Ն. Փաշինյանի նկատմամբ հարձակում են գործել, տեղեկացրեց, որ «Նշված տեղեկատվությունն ամբողջությամբ հերյուրանք է»: Ի դեպ, կալանավայրերի նկատմամբ դիտորդական առաքելություն իրականացնող մարմինը նույնպես եղել էր տեղում եւ փաստել, որ նման բան տեղի չի ունեցել:
