Երեւանի պետական մանկավարժական համալսարանում 5 րոպեանոց դասամիջոցների ընթացքում ուսանողները երբեմն չեն հասցնում նախաճաշել կամ, ընդհանրապես, ինչ-որ բան ուտել եւ ճիշտ ժամանակին հասնել դասերին:
Պատճառն այն է, որ ներքնահարկում ծխախոտի ծխից «մառախուղ» է տիրում եւ հնարավոր չէ առանց արցունքակալած աչքերի կամ խեղդվելու անցնել այդ հատվածով: Բուֆետում, ճիշտ է, կան որոշ ուտելիքներ, բայց այնտեղ էլ նույն պատկերն է ու ներս մտնելն ուղղակի տհաճ է: Պատին փակցված «ՉԾԽԵԼ» ցուցանակը ֆիզիկապես մաշվել է, չնայած այդ պահանջին ուշադրություն դարձնող էլ չկա: Օրվա վերջում աղջիկների վրայից օծանելիքի փոխարեն ծխախոտի հոտ է բուրում: Էլ չենք ասում, որ ծխախոտի հոտով աղջկա կողքին կանգնելը ոչ ոքի հաճելի չէ: Դասախոսների նախատինքներն անգամ ի զորու չեն փոխել իրավիճակը:
