Թուրքիայի վարչապետը հաստատել է այն պնդումները, թե պետությունը Օջալանի հետ բանակցություններ է վարում: Վկայակոչելով Firat գործակալությանը, news.am-ը հաղորդում է, թե Թուրքիայի վարչապետ Ռեջեփ Թայիբ Էրդողանը մինչ Կոսովո մեկնելը պատասխանելով լրագրողների հարցերին՝ անդրադարձել է նաեւ քուրդ գործիչներից մեկի պնդմանը, թե Իմրալը կղզում ցմահ բանտարկված Աբդուլա Օջալանի հետ բանակցություններ են վարվում: Ըստ Էրդողանի՝ թուրքական պետական կառույցները Օջալանի հետ նմանատիպ հանդիպումներ անցկացրել են, անցկացնում են եւ էլի անցկացնելու են: «Պետությունը հենց դրա համար է: Եթե ցանկանում եք հասնել խնդրի կարգավորման, նման քայլերն անհրաժեշտ են»,- նշել է Թուրքիայի վարչապետը:
Հիշեցնենք, որ օրեր առաջ քուրդ նախկին պատգամավոր Այսել Թուղլուքը այցելել էր Իմրալը կղզի եւ հանդիպել PKK-ի առաջնորդ Աբդուլա Օջալանի հետ, որից հետո հայտարարել էր, թե քրդական հարցի կարգավորման շուրջ թուրքական պետության եւ Օջալանի միջեւ ծավալվող երկխոսությունը վերածվել է բանակցությունների:
