ՀՀ պաշտպանության նախարարությունը տեղեկացնում է, որ ի կատարումն հոկտեմբերի 27-ին Աստրախանում Հայաստանի, Ադրբեջանի եւ Ռուսաստանի նախագահների հանդիպման ժամանակ ձեռք բերված պայմանավորվածության, նոյեմբերի 4-ին, ժամը 12-ին, հայ-ադրբեջանական շփման գոտու հյուսիս-արեւելյան սահմանում՝ Իջեւան-Ղազախ ճանապարհի հատվածում, ադրբեջանական կողմին է հանձնվելու այս տարի ՀՀ սահմանն ապօրինի հատած եւ այժմ Հայաստանում գտնվող Ադրբեջանի Հանրապետության քաղաքացին: Ելնելով միջազգային մարդասիրական իրավունքի նորմերից՝ մինչեւ ադրբեջանական կողմին հանձնելը ԱՀ քաղաքացու անուն-ազգանունը չի հրապարակվում:
